EL ATASI MƏNİM BABAM

Polad Nəsirov Səlim oğlu,
16.06.1937-ci ildə Laçın rayonunun Hoçaz kəndində doğulmuşdur. Qarabağımızın ağsaqqalı, el atası 17.01.2021-ci ildə vəfat etdi.

Mərhum Polad Nəsirovu sevənlər üçün çox üzücü bir xəbər oldu. Beş qız, bir oğul övladı və doqquz nəvəsi olan Qarabağda seçilib-sevilən görkəmli şəxsiyyətlərdən biri olmuşdur.
Uzun müddət özünün şəxsi mebel dükanları olub. Rayon və kənd sakinlərinə əl tutan Laçınlılarla nəfəs alan, xalqımızın milli mənafelərinin qorunmasına yönəlmiş bir çox ehtiyacı olan insanların nüfuzunu çoxdan qazanmışdır. Xeyrdə, şərdə daima Laçınlıların yanında olmuşdur. Elə, son sözüdə "Laçın Hoçaz qayası olmuşdu".

Əziz həmkarım QHT rəhbəri Irada xanım Polad və Sevil xanım Polad, ataları Polad Nəsirov Səlim oğlu haqq dünyasına qovuşdurdu. Nəsirovlar ailəsinə, İradə xanım Polada, Sevil xanım Polada və əməkdaşım gənc şair Zəfər Laçına öz adımdan və Azərbaycan xalqı adından dərin hüznlə baş sağlığı verirəm. Allah rəhmət eləsin, ruhu şad olsun amin.

İradə xanımın dilindən düşməyən, ürəyində vətən sevgisini yaşadan, ata fəryadına, ifadə etdiyi nisgili ürəyində yarımçıq qalmış arzularının səsiylə desək, atanın misli görünməyən varlığın bir nümunəsi yalnız atadır.
"Laçın həsrətli, Laçın nisgilli atam. Sən bu illəri Laçınsız necə yaşadın, Laçın alındı, sən yenədə Laçınsız dünyadan köçdün. Sən tək Laçın ağsaqqalı deyildin atam, sən bütün Azərbaycanın ağsaqqalı idin, səni Laçından Bakiya, rayonlara ağsaqqalığa çağırırdılar. Sən hər zaman sülh adamı olmusan. Heç kimi incitməmisən, bizi ərköyün, ürəkli böyütmüsən. Kim nazımı çəkəcək, kim mənə sənin kimi qurbanın olaram deyəcək. Sənin adın gələn yerdə canımı qurban verəcəm atam. Adın kimi xatirələrinidə daima yaşadacam atam. Heç vaxt yaddan çıxmayacaqsan, yadımda qalan ən xoş xatirəm olacaqsan atam.
Heç vaxt ölümdən qorxmadım, yaşamaq üçün mübarizə apardım.
Amma özüm ölümün astanasında olduğum halda, xəstəyəm deyib sızladığım halda atamı itirdim, amma ölmədim. Məkanın cənnət olsun mənim dağ vüqarlı atam"!

ATASIZ DÜNYAM.

Atalı dünyama qaytarın məni,
Unudum həsrəti, kədəri-qəmi.
Əlçatmaz zirvəyə aparın məni,
Ovunum, bir körpə sevinci kimi.

Atam mənə, həyat verdi, kədərsiz,
Canıyla, qanıyla xoşbəxt eylədi.
Atalı günlərim, keçdi hədərsiz,
Fəryad etdim, zalım fələk, neylədi?!

Atamın adına, şe'rlər yazdım,
Ürəkdə nisgili, qalmasın deyə.
Taleh yazanı mən, qismətə yozdum,
Atasız dünyama, sığınım deyə.

Atadır, dözülməz dərdlərə, dözən,
Evlərin ruzusu, yanar ocağı.
Atadır, bizlərə səbr, diləyən,
Ata yurdumin, sönməz çırağı.

"El atası mənim babam" deyən;
-- Gənc şair-publisist Zəfər Laçınlı
21.01.1990-cı ildə Laçın şəhəri Qarıkaha kəndində doğulmuşdur.
Azərbaycan Dövlət İqtisadi üniverstetinin məzunu. Onlarla şeir-qəzəl müəllifi:

"El üçün yaşayan adam idi mənim babam. Bir Laçınlı görəndə Laçın adı eşidəndə sevinən gözləri gülən, dünyanın bir çox yerini gəzmiş, gözü tox, könlü tox adam idi. Xeyrdə-şərdə yerlilərinin qohum-əqrabanın yanında duran mərd sözü bütöv sözü üzə deyən adam idi. Bir arzusu vardı dünya gözüylə son dəfə Laçını görmək. Elə, son sözüdə "Laçın Hoçaz qayası oldu". Məkanın cənnət olsun Baba!
Babam rəhmətlik xalqa xidmət edən adam idi. Hamının dərdinə şərik idi.
Babam Laçın həsrətiylə dünyadan köçdü. Məkanın cənnət olsun Baba. Allah ruhunu həsrətində olduğun vətəninə qovuşdursun. Amin"!

Qarabağda 44-günlük şanlı tarixin, tarix yazanlarından biri, Murov, Hadrut, Suqovuşan, Cəbrayıl, Füzuli, Zəngilan, Qubadlı, Şuşa, Laçın uğrunda gedən bütün döyüşlərin fəal iştirakçısı XTQ Aslanı Laçın Qartalı İlkin Hüseynzadə qalib əsgəri kimi evinə xoş müjdələrlə qayıdıb.
Allah İlkinin timsalında bütün ordumuzu qorusun. Hamınızla Fəxr edirəm qardaşlarım. 44-günlük şanlı döyüşlərdə 24 Laçın Qartalı şəhid oldu.
Allah məkanların cənnət eləsin Ruhları qarşısında baş əyirəm.
Sadə vətənin, Laçının, Qarabağın canı qədər sevən vətən övladı. Bu gənc yaşda bu şerləri bizlərə verən Tanrıya şükürlər olsun. iki şerini Sizə təqdim edirik.

HƏYAT ADİ SƏHNƏDİ.

Günəşdə qaradı, ayda qaradı,
Zülmət gözlərinə, çökən insana.
Dünyanın hər dərdi ağırdır-ağır,
Talehin yükünü, çəkən insana!

Zamanda yalandı, vaxtda yalandı,
Talehdə yalandı, bəxtdə yalandı.
Həyatın hər üzü saxta yalandı,
Talehin yükünü, çəkən insana!

Onunçün bu həyat adi səhnədi,
Bütün personajlar nimdaş, köhnədi,
Kiminsə yükünü çəkmək heçnədi,
Talehin yükünü, çəkən insana!

XAR OLMA!

Ey könül gəl, bu qədər zülmətə düçar olma,
Bu təmannadı, fəna mülkü içrə xar olma.

Sev o şəxsi ki, onun eşqi xuda istəyidir,
Eşqi dünya olana səndə daha yar olma.

Necə xaliq yaradıbdır səni duy insaf elə,
Haqqı gördünsə danış zülmə tərəfdar olma.

Halal et ruzi yolun ki, yetirər pak yaradan,
Hətda bir damla su da əyriyə vadar olma.

Niyyətin pak yaşamaqsa Quranın qapısını aç,
Qeyri bir söz kəlama, zərrə xiridar olma.

Tarix: 30-01-2021, 14:14 Oxunub: 142