Daxili işlər naziri, general-polkovnik Vilayət Eyvazov Bakının Suraxanı rayon Polis İdarəsinin 30-dan çox yüksək rütbəli əməkdaşını işdən uzaqlaşdırıb.
“Qafqazinfo”xəbər verir ki, həmin şəxslər nöqsanlara görə sərəncama götürülüb.
Belə ki, ötən il noyabrın sonunda nazirin əmri ilə Suraxanı RPİ rəisi, polis polkovniki Namiq Həsənov vəzifədən azad edilərək DİN-in Baş Əməliyyat Statistik və İnformasiya İdarəsinin rəisi təyin olunub.
Bir ay sonra isə Quba rayon Polis Şöbəsinin rəisi, polis polkovniki Süleyman Nemətov Suraxanıya rəis təyin edilib.
S.Nemətov vəzifənin icrasına başlayan kimi nazirliyə müraciət edərək kompleks yoxlama keçirilməsini istəyib. İdarədə aparılan araşdırmalar nəticəsində çoxlu nöqsanlar aşkar edilib və yekun nəticə nazirə məruzə olunub.
Bunun əsasında Suraxanı RPİ-nin Cinayət Axtarış İdarəsinin rəisi, İstintaq İdarəsinin rəisi, İdarəyə tabe olan 30-cu Polis Şöbəsinin, 31, 32 və 33-cü Polis Bölmələrinin rəis müavinləri, 31-ci Polis Bölməsinin rəisi İman Mehdiyev və digər yüksək rütbəli polis əməkdaşları nazirin əmri ilə vəzifədən çıxarılaraq sərəncama götürülüb.
Bölməyə aid digər xəbərlər
DİN itkin düşən tələbənin tapıldığını açıqladı - Yenilənib
Nərmini öldürməkdə təqsirləndirilən İlkin Süleymanovun məhkəmədən görüntüsü yayıldı - FOTO/VİDEO
Dmanisidə vəziyyət gərginləşdi - Video
Bakıda cibgir bacıların görüntüləri yayıldı: Tanınmamaq üçün baş örtüyündən istifadə ediblər - FOTO/VİDEO
Sərhədçiləri öldürən şəxslərdən biri saxlanıldı - FOTO
Bakıda başına daş parçası düşən yeniyetmənin ölümü ilə bağlı cinayət işi başlanıldı
