“ EMA” ŞİRKƏTİNİN FƏALİYYƏTİ GÜNDƏN-GÜNƏ GENİŞLƏNİR

Yəqin k, bu səmimi və çox maraqlı insanı çoxlarınız tanıdınız.
Azərbaycan Respublikası Bitki Mühafizəsi üzrə “EMA” şirkətinin təsisçisi və prezident Əbdülhüseyn Məmməd oğlu Abdullayev.
Əbdülhüsyn müllimlə tanışlığımız 15 il əvvələ təsadüf edir. Onunla tanışlıq məndə şirkət haqqında çox böyük təəssürat yaratdı və əziz oxucular, bu haqda özündən eşitdiklərimi sizin də nəzərinizə çatdırıram.
Bitki mühafizəsi sahəsində fəaliyyət göstərən “EMA” şirkəti 21.06.1996-c ildə təsis edilmiş və Azərbaycan Respublikası Ədliyyə Nazirliyinin 29869 saylı şəhadətnaməsi ilə qeydiyyatdan keçmişdir.
Şirkətin mərkəzi ofisi, satış mağazası və pestisidlər anbarları Bakı şəhərinin Sabunçu qəsəbəsində yerləşir.Fəaliyyətini 6 işçi ilə başlayan   “EMA” hazırda 30-dan çox əməkdaşın, o cümlədən, 1 kənd təsərrüfatı elmləri namizədinin çalışdığı şirkətdir. Şirkətin əməkdaşlarının əksəriyyəti yüksək ixtisaslı mütəxəssislərdir. Şirkətin nəzdində texnik, satış, mühasibat şöbələri və servisdezinfeksiya qrupu fəaliyyət göstərir. Bundan əlavə, kənd təsərrüfatı məhsullarının istehsalı və satışı ilə bağlı məsləhətlər şirkət tərəfindən pulsuz olaraq hər gün (istirahət günlərindən başqa) ofisdə, həftədə bir dəfə isə rayonlarda bilavasitə bağlarda və istixanalarda təşkil edilir.
   Bu gün   “EMA” şirkəti Avropanın və Amerikanın qabaqcıl firmaları ilə kontrakt əsasında birbaşa əlaqələr qurmuşdur.
   Dupont, Dov Aqrosayns (ABŞ), levey Marketinq (Bolqarıstan), Hekmaş (Türkiyə), Bayer, Basf (Almaniya)və s. Şirkətlərindən alınan ekoloj az təhlükəli olan 100-dən artıq pestisid Azərbaycanın kənd təsərrüfatında müvəffəqiyyətlə tətbiq edilir. Ölkəyə gətiilən bitki mühafizə vasitələri Respublikanın müxtəlif ölkələrində sınaqdan keçirilərək hər biri üçün qeydiyyat şəhadətnaməsi alınır və yalnız sınaqdan keçirildikdən sonra bu pestisidlərin kütləvi satışı təşkil edilir.
2000-ci ildən başlayaraq (03 iyun 2000-ci il 0148 saylı lisenziyaya əsasən) şirkətdə dezinfeksiya və depatizasiya dəstəsi fəaliyyət göstərir.Şirkət, həmçinin Almaniyanın İQEBA, Fransanın Technoma, Exel GSA, Türkiyənin Aqrotek firmaları ilə əlaqələr yaradaraq Respublikaya yeni, müasir tipli əl çiləyicilərinin, duman yaradan çiləyicilərin və iri həcmli avto çiləyicilərin gətirilməsini təmin etmişdir.
Su çatışmamazlığı problemini nəzərə alaraq şirkətimiz  açıq tarlada, bağlarda və istixanalarda müasir tipli suvarma üsulu olan Damlama Suvarma Sisteminin quraşdırılmasını  həyata keçirir. Bu sistemin quraşdırılması üçün şirkət Türkiyənin Poteks və Türkiyə-İtaliya birgə müəssisəsi olan Aqroplast şirkətləri ilə müqavilələr imzalanmışdır.Alınan avadanlıqlar Respublikamızın bir çox rayonlarında, o cümlədən, Abşeon və Bakı ətrafı bağlarda və istixanalarda quraşdırılaraq yüksək nəticələr əldə etmişdir.
Şirkət kənd təsərrüfatı bitkiçilik sektoru ilə yanaşı Baytarlıq sektoru sahəsində də fəaliyyət göstərmiş Türkiyənin Hektaş, Bolqarıstaın Huvenharma, İordaniyanın Jovet və İranın Daru Darman Ateih, Vetaqye firmaları ilə anlaşmalar qurmuş respublikamıza yüksək təsiredici qabiliyyətinə malik heyvan dərmanlarının, multi vitaminlərin gətirilməsini təşkil etdmişdir.
Bu gün “EMA” şirkəti bitki mühafizə vasitələrinin satışı ilə məşğul olan 85 dileri birləşdirən müasir ticarət mərkəzidir.Bu mərkəz Azərbaycanın təqribən bütün rayonları ilə əlaqəlidir və gündən-günə əlaqələrini genişləndirir.
  Biz də öz növbəmizdə “EMA” şirkətinin prezidenti Əbdülhüseyn Məmməd oğlu Abdullayev başda olmaqla rəhbərlik etdiyi işgüzar kollektivə gərəkli və məsuliyyət tələb edən çətin işlərində uğurlar arzulayır, Qarşıdan gələn 31 dekabr Dünya Azərbaycanlılarının Birlik və Həmrəylik günü və Yeni il münasibətilə ürəkdən təbrik edir, sağlıqlı uzun ömür arzulayır, Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyevin rəhbərliyi altında xalqımız və dövlətimiz üçün gördüyü şərəfli işlərinin daha da geniş inkişaf etməsini diləyirik.

Tarix: 15-12-2022, 12:30 Oxunub: 152