Vüqar İskəndərov: Hesabatlılığa yüksək dəyər

Yaşayıb-yaşayıb ömrün yetkin bir mərhələsinə çatanda və çevrilib arxada qalan onilliklərə nəzər salanda, xatırlamağa, arxalanmağa, öyünməyə nəsə tapa bilirsənsə, yaşadıqlarına görə təəssüflənmirsənsə, deməli, ömrün hədər getməyib.

Deməli, ALLAHIN bəxş etdiyi ömrü doğru-düzgün yaşamaq, ədalətli, xeyirxah, el-oba, cəmiyyət üçün lazımlı, gərəkli olmaq, haqqı-nahaqqa verməmək, başqalarının haqqını tapdamamaq kimi dəyərlərə sadiq qalmağı bacarmısan. Belə yaşamaq, əlbəttə, hər kəsə nəsib olmur.

Amma dünya belə dəyərli, qiymətli insanlardan xali də deyil. Bu yazıda məhz elə insanlardan birinin - gözəl insan, xeyriyyəçi Milli Məclisin deputatı Vüqar İskəndərovun keçdiyi mənalı ömür yoluna qısa da olsa, nəzər salmağa çalışacağıq.

Milli Məclisin deputatı Vüqar İskəndərov qazilərin, şəhid ailələrinin, veteranların yaxın dostudur. Onların heç bir müraciətini geri çevirməyən Vüqar İskəndərov səlahiyyətləri çərçivəsində hər cür köməklik göstərməyə həmişə hazırdır.

Mayası vətənpərvərliklə, halallıqla yoğrulan bu gözəl insana, Milli Məclisin deputatı Vüqar İskəndərova biz də uğurlar diləyirik. Xalq üçün, Vətən üçün əlindən gələni əsirgəməyən bu insana uzun və sağlam ömür, işlərində nailiyyətlər arzu edirik. Bir də arzu edirik ki, bu cür insanların sayı çox olsun, biz də onlarla fəxr edək, barələrində yazaq.

Milli Məclisin deputatı Vüqar İskəndərov - Amerika Birləşmiş Ştatlarının Prezidenti cənab Cozef Baydenin Azərbaycan Prezidenti cənab İlham Əliyevə ünvanladığı məktub bir daha ölkəmizin nəinki regionda, hətta dünya çapında Prezident İlham Əliyevin uzaqgörən və cəsarətli, beynəlxalq və milli dəyərləri üzvi surətdə uzlaşdıran, ölkəmizin nüfuzlu, etibarlı və sadiq bir tərəfdaş kimi qəbul edilməsinə zəmin yaradan çoxşaxəli və çoxvektorlu daxili və xarici siyasətinin nəticəsində dünyanın aparıcı ölkə liderləri tərəfindən etiraf əlaməti kimi yüksək dəyərləndirilməlidir.

Maraqlıdır ki, ABŞ Prezidenti tərəfindən alqışlanan addımlar sırasında qanunun aliliyi və hesabatlılığın möhkəmləndirilməsi istiqamətində əldə edilən uğurlar ilk dəfədir ki, belə açıq və birmənalı şəkildə göstərilir. Bu, digər sahələrdə olduğu kimi hesabatlılığın möhkəmləndirilməsi və şəffaflığın artırılması istiqamətində Prezident İlham Əliyevin rəhbərliyi altında son dövrlərdə uğurla reallaşdırılan siyasətin, güclü siyasi iradənin və qanunun aliliyinə sədaqətin, sosial müdafiə, vətəndaş həmrəyliyinin zəruriliyinin hamı tərəfindən dərk edilməsinin məhsulu kimi qəbul olunmalıdır.

Bir məsələ də xüsusi vurğulanmalıdır ki, ölkə Prezidenti cənab İlham Əliyevin şəffaflıq və hesabatlılıq sahəsində görülən işlərin iqtisadi-maliyyə tərəfləri ilə yanaşı, siyasi və strateji hesabatlılığa mühüm əhəmiyyət verməsi, atılan bütün addımların ölkə vətəndaşlarına şəffaf və operativ çatdırılması da xarici müşahidəçilər tərəfindən dəyərləndirilir.

Kölgə iqtisadiyyatının azaldılmasının əsası kimi hesabatlılığın möhkəmləndirilməsi zərurəti möhtərəm Prezidentimiz tərəfindən daim diqqət mərkəzində saxlanılır.

Bunun üçün uçot, hesabatlılıq və nəzarət sahəsində mövcud problemlər beynəlxalq təcrübə nəzərə alınmaqla sistemli şəkildə həll edilməkdədir.

Son vaxtlarda hesabatlılığın və şəffaflığın artırılmasına yönəlmiş müddəaların Vergi Məcəlləsində və “Mühasibat uçotu haqqında” Qanunda əks etdirilməsi bu baxımdan mühüm əhəmiyyət kəsb edir.

Qeyd etmək lazımdır ki, bütün dövrlərdə iqtisadiyyatın səmərəli idarə edilməsinin əsasını hesabatlarda əks olunan informasiyalar təşkil etmişdir. Bu baxımdan hesabatlılığın təkmilliyinin, düzgün və obyektiv tərtib edilməsinin, vaxtlı-vaxtında təqdimatının və əlçatan olmasının rolu çox mühümdür.

Ümid etmək olar ki, iqtisadiyyatımızda mövcud olan problemlər hesabatlılıq və şəffaflığın daha da yüksəldilməsi zəminində öz həllini tapacaqdır ki, bu da öz növbəsində ölkəmizin iqtisadi qüdrətinin möhkəmləndirilməsinə və beynəlxalq nüfuzunun artırılmasına rəvac verəcək.

Tarix: 2-06-2022, 11:33 Oxunub: 166