Mən hər zaman ruhən,mənən çox güclü olan belə insanlara rəhmət oxuyuram,amma çox təəssüf hissi ilə qeyd edirəm ki,bu gün hələ də insanların,cəmiyyətin,dünyanın,bəşəriyyətin mərhəmət və şəfqətə ehtiyacı var.Dünyamıza hər cür siyasi oyunlardan,hakimiyyət davasından,torpaq,ərazi iddialarından,ayrı-ayrı ölkələrə demokratiya dərsi keçməkdən çox mərhəmət lazımdır,özü də hava,su kimi.Nə yaxşı hələ də narahat dünyamızda belə insanlar az da olsa var!Yer üzü onların çiyinlərində saxlayır müvazinətini!Tanrı həmin insanların üzünə bağışlayır çox şeyi.Sağlığında bu mərtəbəyə qalxanlar,qəlblərdə silinməz izlər buraxanlar isə ikiqat qəhrəmanlardır.Və qəhrəmanlıq təkcə meydanlarda qılınc çalmaqda,dünyanı fəth etməkdə deyil!Qəhrəmanlıq böyük ürəyi ilə insanların qəlbini fəth etməkdədir.Qəhrəmanlıq insanların beyninə,düşüncəsinə xeyirxahlıq toxumu səpərək onların qəlbində əbədiyyətə çevrilməkdədir.Bəli,budur əsil qəhrəmanlıq!Xeyirxahlıq dədə -babalardan qalma bir ənənədir.Bu gün bu ənənəni davam etdirən hər bir kəs özləri üçün Tanrı yanında böyük səltənət qazanırlar.

Dəyərli oxucular!

İndi sizə haqqında bəhs edəcəyim insan zəmanəmizin əsil qəhrəmanlarındandır.

Sabirabad Rayon Məhkəməsinin sədri Füzuli Pənahov üçün ən böyük vəzifə insanların rahat,firavan yaşayışı,əmin-amanlığıdır.Onun üçün insan amili hər şeydən öndədir.O,təkcə rəhbər deyil,eyni zamanda rəhbərlik etdiyi kollektivin mənəvi atasıdır.O,Böyük Allahın yaratdıqlarına hörmətlə yanaşır.Bu cür görən,bu cür düşünən insandan isə pislik gözlənilməz.

Yazımın əsas qəhrəmanı Füzuli Pənahov əsil Allah adamıdır.Həqiqətən insanlığın ali zirvəsinə ucalmaq hər kəsə nəsib olmur.Atalar demiş,xoşbəxt o insandır ki,Allah dünyasından yox, axirətindən pay ayırır.Füzuli Pənahov bu cür xüsusiyyətlərə malik bir insandır desəm,yanılmaram.Bəli,həqiqətən də alicənab,əsil vətənpərvər insandır Füzuli müəllim.O,insanlara həm mənəvi,həm də maddi dayaqdır.Onun saysız hesabsız xeyirxahlıqları insanlar tərəfindən minnətdarlıq hissi ilə qarşılanır.Həyatda da məhz belə insanlar ucalırlar.İnsanlara dayaq olmaq Tanrı buyruğudur.Füzuli Pənahov Tanrı səltənətinə ucalmış bir insan olmaqla,həm də doğulub boya-başa çatdığı el-oba üçün əziz,dəyərlidir.Haqqında bəhs etdiyim insanı tanıyanlar onun haqqında deyirlər:ağıllıdır,təvazökardır,sadə və təmkinlidir,əsil Allah adamıdır,sözü ilə əməli bir olan insandır.Eyni zamanda xeyirxahdır Sabirabad Rayon Məhkəməsinin sədri Füzuli Pənahov nəyinki rəhbərlik etdiyi işçi kollektivinə eyni zamanda ona müraciət edən hər kəsə,o cümlədən şəhid ailələrinə,qazilərimizə,bacardığı köməyi edir,onlardan heç bir dəstəyini əsirgəmir.Mən də son olaraq xeyirxah əməlləri olan dəyərli insan Sabirabad Rayon Məhkəməsinin sədri Füzuli Pənahova uca Tanrıdan cansağlığı,uzun ömür,ailə səadəti diləyir,möhtərəm prezidentimiz İlham Əiliyev cənablarının rəhbərliyi altında göstərdiyi fəaliyyətində uğurlar arzulayıram